Naneddu (Lettera A Nanni Sulis) Tazenda
Ouça agora e acompanhe a letra completa da música Naneddu (Lettera A Nanni Sulis) que está no álbum Vida lançado em 2007 pela H2O Music
Letra da música "Naneddu (Lettera A Nanni Sulis)"
Naneddu meu
su mundu est gai,
a sicut erat
non torrat mai.
Semus in tempos
de tirannias,
infamidades
e carestias.
Como sos populos
cascant che cane,
gridende forte:
“Cherimus pane! “
Famidos, nois
semus pappande
pan’e castanza,
terra cun lande.
Terra ch’a fangu
torrat su poveru
senz’alimentu,
senza ricoveru.
Semus sididos
in sas funtanas,
pretende s’abba
parimus ranas.
Peus su famene
chi, forte, sonat
sa janna a tottus
e non perdonat.
Naneddu meu
su mundu est gai,
a sicut erat
non torrat mai.
Cuddas banderas
numeru trinta,
de binu’onu,
mudad’hant tinta.
Appenas mortas
cussas banderas
non piùs s’osservant
imbreagheras.
Sos tristos corvos
a chie los lassas?
Pienos de tirrias
e malas trassas.
E gai chi tottus
faghimus gherra,
pro pagas dies
de vida in terra.
Naneddu meu
su mundu est gai,
a sicut erat
non torrat mai.
Semus in tempos
de tirannias,
infamidades
e carestias.
Adiosu, Nanni,
tenedi contu,
faghe su surdu,
ettad’a tontu.
A tantu, l’ides,
su mund’est gai,
a sicut erat
non torrat mai.
compositores da letra: P. Mereu
Gênero: Pop. O estilo esta errado? Ajude a classificar esta música.
O que você achou desta música?
