In so hoher swebender wunne
So gestuont min herze ane vröiden nie.
Ich var, als ich vliegen kunne,
Mit gedanken iemer umbe sie,
Sit daz mich ir trost empfie,
Der mir durch die sele min
Mitten in daz herze gie.
Saelic si diu süeze stunde,
Saelic si diu zit, der werde tac,
Do daz wort gie von ir munde,
Daz dem herzen min so nahen lac,
Daz min lip von vröide erschrac,
Un enweize von liebe joch
Waz ich von ir sprechen mac.
compositores: Heinrich Von Morungen
Ouvir músicas