Vorì savè el mestee che foo mì?
Cominci ai des or, finissi a mezz dì,
Giri la baia col motofurgon,
Vendi lisciva, soda e savon.
Mi voo in gir de chi e de là,
Mi voo in gir a lavorà,
Hoo faa ona pigna de cart de milla,
M'è vegnuu in ment de comprà ona balilla.
L'è stada la rabbia di mè fradei
Ch’hann cominciaa a sgagnamm i budei,
La mia cusina, che la sta in via larga
La m'ha mangiaa anca la targa.
La mia zia de gorgonzoeula
Cont i gomm l'ha faa la cazzoeula
El mè nonno, ch'el gh’ha l'angina
L'ha ciappaa la ciocca con la benzina.
El carletto, stupidòtt
El s'è faa on vestì con la capòtt,
I me nevod pussee piscinitt
Salten in vettura a mangiamm anca i vid.
La maria che sta in la mia porta
La m'ha mangiaa la roeuda de scorta,
El todesch dislifen e slofen
El m'ha mangiaa in d'on boccon tutt el còfen.
El maresciall di carabinier
Cont in bocca i quatter porter
E i sgagnava senza rispett,
Insemma ai porter l'ha mangiaa anca i manètt.
A gh'è vun che ven de bagg,
El ciappa i roeud e 'l me mangia i ragg,
In d'on canton gh’è 'l salvador
Cont in bocca el radiator.
Passa on fioeu senza dentin
El me disvida i lampadin,
El mè fradell, quell malaa de diabete,
El fa finta de nient, el me mangia el magnete.
El mè portinar ch'el porta i oggiai
Salta su a mangiamm i fanai,
Voo in questura a denuncià i dagn,
Quand torni indree gh'è pù nanca i pedagn.
A voo per caso a trovà mia sorella,
Ghe troeuvi in cà on piston e ‘na bièlla,
Quand torni indrèè gh'è restaa solament
El fumm del tubo de scappament.
compositores: Tradizionale
Você é fã de Nanni Svampa? Gosta da letra da música?
Compartilhe com seus amigos.
