Romeiro hei de ir lonxe ao San Andres
con herbiñas de namorar,
dareille a quen alén mar está
o aloumiño do meu amor.
Hei de vestir a camisa de liño
que ela teceo para min
con herbiñas de namorar;
anda o lagarto azul e souril
a acaroar mapoulas bermellas,
nacidas de fusís,
co aloumiño do meu amor,
alleo á guerra e ao seu tambor.
Morto ou vivo hei volver á terra
que ela andou canda min
con herbiñas de namorar;
chouta o mascato polo cantil
a vela-lo adro familiar,
ala lonxe, na fin,
co aloumiño do meu amor.
Cabo do mundo, ó pé dun aguillón
doeme a guerra ruín
entre herbiñas de namorar;
corvo mariño voa xentil
o amilladoiro a levantar
e pan santo a colorir
co aloumiño do meu amor.
Romeiro hei de ir lonxe ao San Andres
con herbiñas de namorar,
dareille a quen alén mar está
o aloumiño do meu amor.
compositores: JOSE BENITO ROMERO COPO, JUAN CARLOS CERQUEIRO CALVO, FRANCISCO BERMUDEZ PEREZ, FRANCISCO JAVIER FERREIRO VAZQUEZ, JULIO VARELA PEREZ, ROSA MARIA CEDRON FERNANDEZ, XULIO CUBA OROSA, SIST
Você é fã de Luar Na Lubre? Gosta da letra da música?
Compartilhe com seus amigos.
